മുംബൈ: മഹാരാഷ്ട്രയില്‍ സ്‌കൂള്‍ കുട്ടികളുമായി പോയ ബോട്ട് മുങ്ങി നാലു മരണം. നാല്‍പത് വിദ്യാര്‍ഥികളാണ് ബോട്ടിലുണ്ടായിരുന്നത്. ഇതില്‍ 32 പേരെ രക്ഷപ്പെടുത്തിയതായാണ് വിവരം. ദഹാനു തീരത്തു നിന്ന് രണ്ട് നോട്ടിക്കല്‍ മൈല്‍ അകലെയാണ് അപകടമുണ്ടായതെന്നാണ് റിപ്പോര്‍ട്ട്.

ബാക്കിയുള്ള കുട്ടികള്‍ക്കായി തെരച്ചില്‍ തുടരുകയാണ്. ഇന്ന് രാവിലെ 11.30 ഓടെയായിരുന്നു അപകടം.

കോസ്റ്റ് ഗാര്‍ഡിന്റെ കപ്പലുകള്‍ സംഭവസ്ഥലത്തേക്ക് തിരിച്ചുവിട്ടിട്ടുണ്ട്. ദാമനില്‍നിന്ന് ഹെലികോപ്ടറുകളും തിരച്ചിലിനായി പുറപ്പെട്ടിട്ടുണ്ട്.