തിരൂര്‍: ബെക്കുകള്‍ കൂട്ടിയിടിച്ച് യുവാവിന് പരുക്ക്. തിരൂര്‍ സി.എച്ച് സെന്റര്‍ സേവകനും പെരുന്തല്ലൂര്‍ ടൗണ്‍ മുസ്‌ലിം ലീഗ് സെക്രട്ടറിയുമായ അലി പെരുന്തല്ലൂരിനാണ് (34) പരുക്കേറ്റത്.
ജില്ലാ ആശുപത്രിയില്‍ രോഗികള്‍ക്കുള്ള ഭക്ഷണം വിതരണം ചെയ്തു വീട്ടിലേക്ക് മടങ്ങുന്നതിനിടെ ആലത്തിയൂര്‍ പൂഴിംകുന്നില്‍ വച്ചാണ് അപകടമുണ്ടായത്.
അലി സഞ്ചരിച്ച ബൈക്കില്‍ പുല്ലൂണിയില്‍ നിന്നും തിരൂരിലേക്ക് പോകുകയായിരുന്ന സംഘത്തിന്റെ ബൈക്ക് കൂട്ടിയിടിക്കുകയായിരുന്നു. കാലിനു സാരമായി പരുക്കേറ്റ അലിയെ തിരൂര്‍ ജില്ലാ ആശുപത്രിയില്‍ പ്രവേശിപ്പിച്ചു.