നെടുമ്പാശ്ശേരി: വിമാനത്താവളത്തില്‍ 16.5 ലക്ഷം രൂപയുടെ സ്വര്‍ണം കസ്റ്റംസ് വിഭാഗം പിടികൂടി. ഇന്നലെ രാവിലെ എമിറേറ്റ്‌സ് വിമാനത്തില്‍ ദുബൈയില്‍ നിന്നുവന്ന തൃശൂര്‍ സ്വദേശിയാണ് പിടിയിലായത്. പരിശോധനകള്‍ പൂര്‍ത്തിയാക്കി പുറത്തിറങ്ങുന്നതിനിടെ സംശയം തോന്നിയ കസ്റ്റംസ് ഉദ്യോഗസ്ഥര്‍ നടത്തിയ വിശദമായ പരിശോധനയിലാണ് 582.78 ഗ്രാം തൂക്കമുള്ള രണ്ട് സ്വര്‍ണ മാലകള്‍ കണ്ടെടുത്തത്.
ഇതോടെ ഈ മാസം 1.10 കോടി രൂപ വിലവരുന്ന 3.6 കിലോഗ്രാം സ്വര്‍ണമാണ് നെടുമ്പാശ്ശേരിയില്‍ കസ്റ്റംസ് എയര്‍ ഇന്റലിജന്‍സ് വിഭാഗം പിടികൂടിയത്.