തിരുവനന്തപുരം: അളവുതൂക്ക ക്രമക്കേടുകള്‍ നടക്കുന്നതായി പരാതി ലഭിച്ചതിനെതുടര്‍ന്ന് പേട്ട, പേരൂര്‍ക്കട മാര്‍ക്കററുകളില്‍ ലീഗല്‍ മെട്രോളജി ഉദ്യോഗസ്ഥര്‍ പരിശോധന നടത്തി.   
ഇറച്ചിക്കടകള്‍, മത്സ്യക്കടകള്‍, പച്ചക്കറിക്കടകള്‍ തുടങ്ങിയവയില്‍ നിന്ന് മുദ്ര പതിപ്പിക്കാത്തതും അളവില്‍ കൃത്യത
യില്ലാത്തതുമായ  54 അളവുതൂക്ക ഉപകരണങ്ങള്‍ പിടിച്ചെടുത്തു.   
ലീഗല്‍ മെട്രോളജി കണ്‍ട്രോളര്‍ മുഹമ്മദ് ഇക്ബാലിന്റെ നിര്‍ദ്ദേശപ്രകാരം അസിസ്റ്റന്റ് കണ്‍ട്രോളര്‍മാരായ എസ്. ശിവകുമാരന്‍ നായര്‍, ബി.എസ്.അജിത് കുമാര്‍ എന്നിവരുടെ നേതൃത്വത്തിലായിരുന്നു പരിശോധന.  
സീനിയര്‍ ഇന്‍സ്‌പെക്ടര്‍ എസ്. ജയ, ഇന്‍സ്‌പെക്ടര്‍മാരായ സിജു സത്യദാസ്, എസ്. ശ്രീകുമാര്‍, ബി. പ്രിയ, മനോജ് വി.ആര്‍, എ. രതീഷ്, ഇന്‍സ്‌പെക്ടിംഗ് അസിസ്റ്റന്റുമാരായ പ്രേമചന്ദ്രന്‍, ബി. ദിജി, എസ്.എസ്. ചന്ദ്രബാബു, സി.ഇ. ജോസ്, സി. വേണുഗോപാലന്‍, എന്‍.എസ്. പ്രകാശന്‍, സതീഷ്‌കുമാര്‍ എന്നിവര്‍ പരിശോധനയില്‍ പങ്കെടുത്തു.  തുടര്‍ന്നുള്ള ദിവസങ്ങളിലും പരിശോധന നടക്കുമെന്ന് ഉദ്യോഗസ്ഥര്‍ അറിയിച്ചു.