മണ്ണാര്‍ക്കാട്: കുമരംപുത്തൂര്‍ പഞ്ചായത്തിലെ മൈലാപ്പാടത്തെ കാരാപ്പാടം കോളനിയില്‍ ഞായറാഴ്ച വൈകിട്ടോടെ മാവോവാദികളെ കണ്ടതായി അഭ്യൂഹം പരന്നു. കോളനിക്ക് സമീപത്തുള്ള വനമേഖലയിലാണ് അഞ്ചംഗം സംഘത്തെ കണ്ടതായി പറയപ്പെടുന്നത്. സംഭവത്തെ തുടര്‍ന്ന് മണ്ണാര്‍ക്കാട് എസ്.ഐ ഷിജു.കെ എബ്രഹാമിന്റെ നേതൃത്വത്തില്‍ പൊലിസ് സ്ഥലത്തെത്തി തിരച്ചില്‍ നടത്തിയെങ്കിലും ഒന്നും കണ്ടെത്താനായില്ല. കഴിഞ്ഞ ഒരാഴ്ച മുന്‍പ് തെങ്കര പഞ്ചായത്തിലെ ആനമൂളി ഉരുളംകുന്നിന് സമീപം അഞ്ചംഗം മാവോവാദി സംഘത്തെ കണ്ടതായി പറയപ്പെട്ടിരുന്നു.