നെടുമ്പാശ്ശേരി: അന്താരാഷ്ട്ര വിമാനത്താവളം വഴി കടത്താന്‍ ശ്രമിച്ച 404.70 ഗ്രാം സ്വര്‍ണം കസ്റ്റംസ് വിഭാഗം പിടികൂടി. അനധികൃതമായി സ്വര്‍ണം കടത്താന്‍ ശ്രമിച്ച രണ്ട് യാത്രക്കാരാണ് പിടിയിലായത്. പിടിച്ചെടുത്ത സ്വര്‍ണത്തിന് 12.46 ലക്ഷം രൂപ വില വരും. ദോഹയില്‍ നിന്നെത്തിയ കോഴിക്കോട് സ്വദേശിയുടെ പക്കല്‍നിന്ന് 349.70 ഗ്രാം സ്വര്‍ണവും ദുബൈയില്‍ നിന്നെത്തിയ കാസര്‍കോട് സ്വദേശിയായ യാത്രക്കാരനില്‍ നിന്ന് 55 ഗ്രാം സ്വര്‍ണവുമാണ് പിടിച്ചെടുത്തത്.