HOME
DETAILS

ഇംഗ്ലണ്ടിന് ജയം

  
backup
January 15 2018 | 03:01 AM

%e0%b4%87%e0%b4%82%e0%b4%97%e0%b5%8d%e0%b4%b2%e0%b4%a3%e0%b5%8d%e0%b4%9f%e0%b4%bf%e0%b4%a8%e0%b5%8d-%e0%b4%9c%e0%b4%af%e0%b4%82-4


മെല്‍ബണ്‍: ഏകദിനത്തില്‍ ഏറ്റവും ഉയര്‍ന്ന വ്യക്തിഗത സ്‌കോര്‍ നേടുന്ന ഇംഗ്ലീഷ് താരമെന്ന റെക്കോര്‍ഡ് നേട്ടം ജാസന്‍ റോയ് സ്വന്തമാക്കിയ പോരാട്ടത്തില്‍ ആസ്‌ത്രേലിയയെ തകര്‍ത്ത് ഇംഗ്ലണ്ട്. ഒന്നാം ഏകദിനം അവര്‍ അഞ്ച് വിക്കറ്റിന് വിജയിച്ചു. ആദ്യം ബാറ്റ് ചെയ്ത ആസ്‌ത്രേലിയ നിശ്ചിത 50 ഓവറില്‍ എട്ട് വിക്കറ്റ് നഷ്ടത്തില്‍ 304 റണ്‍സെന്ന മികച്ച സ്‌കോര്‍ നേടി. ഇംഗ്ലണ്ട് 48.5 ഓവറില്‍ അഞ്ച് വിക്കറ്റ് മാത്രം നഷ്ടപ്പെടുത്തി 308 റണ്‍സെടുത്താണ് ലക്ഷ്യം കണ്ടത്. അലക്‌സ് ഹെയ്ല്‍സ് സ്ഥാപിച്ച 171 റണ്‍സിന്റെ റെക്കോര്‍ഡാണ് റോയ് തിരുത്തിയത്. ഓപണറായി ഇറങ്ങിയ താരം 151 പന്തില്‍ 180 റണ്‍സ് അടിച്ചെടുത്തു. 16 ഫോറും അഞ്ച് സിക്‌സും അടങ്ങുന്നതായിരുന്നു റോയിയുടെ ഇന്നിങ്‌സ്. ജോ റൂട്ട് 91 റണ്‍സെടുത്ത് പുറത്താകാതെ നിന്നു. ടോസ് നേടി ഇംഗ്ലണ്ട് ആസ്‌ത്രേലിയയെ ബാറ്റിങിനയക്കുകയായിരുന്നു. ഓപണര്‍ ആരോണ്‍ ഫിഞ്ച് നേടിയ സെഞ്ച്വറിയുടെ കരുത്തിലാണ് ആസ്‌ത്രേലിയ മികച്ച സ്‌കോര്‍ സ്വന്തമാക്കിയത്. ഫിഞ്ച് 107 റണ്‍സെടുത്തു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."