കൊല്ലം: കേരള ദലിത് മഹിളാ ഫെഡറേഷന്‍ (കെ.ഡി.എം.എഫ്)സംസ്ഥാന സമ്മേളനം 11, 12 തീയതികളില്‍ പാലക്കാട് എ.പാച്ചന്‍ നഗറില്‍ നടക്കുമെന്ന് സംസ്ഥാന ജനറല്‍ സെക്രട്ടറി എസ്.പി മഞ്ജു അറിയിച്ചു.
11 ന് രാവിലെ 10ന് കെ.ഡി.എം.എഫ് സംസ്ഥാന പ്രസിഡന്റ് പി.കെ.രാധ പതാക ഉയര്‍ത്തും. വൈകിട്ട് 3ന് പി.ഡബ്യു.ഡി റസ്റ്റ് ഹൗസിന് മുന്നില്‍ നിന്നും പ്രകടനം ആരംഭിക്കും. 4ന് സ്റ്റേഡിയം സ്റ്റാന്റില്‍ ചേരുന്ന പൊതുസമ്മേളനം കെ.ഡി.എഫ് സംസ്ഥാന പ്രസിഡന്റ് പി രാമഭദ്രന്‍ ഉദ്ഘാടനം ചെയ്യും. പി.കെ രാധ അധ്യക്ഷത വഹിക്കും. ഡോ.പി ഗീത മുഖ്യപ്രഭാഷണം നടത്തും. 12ന് രാവിലെ 9ന് പാലക്കാട് മ്യൂസിക് കോളജിന് സമീപം ഫൈന്‍ ആര്‍ട്‌സ് സൊസൈറ്റി ഹാളില്‍ നടക്കുന്ന പ്രതിനിധി സമ്മേളനം കെ.ഡി.എഫ് വര്‍ക്കിംഗ് പ്രസിഡന്റ് ടി.പി.ഭാസ്‌കരന്‍ ഉദ്ഘാടനം ചെയ്യും.