തിരുവനന്തപുരം: ലോ അക്കാദമിയിലെ വിദ്യാര്‍ഥികള്‍ 29 ദിവസമായി നടത്തിവരുന്ന സമരം ഒത്തുതീര്‍പ്പാക്കാന്‍ സംസ്ഥാന സര്‍ക്കാര്‍ അടിയന്തരമായി ഇടപെടണമെന്ന് കിസാന്‍സഭ ജില്ലാ പ്രസിഡന്റ് എന്‍ ഭാസുരാംഗന്‍, സെക്രട്ടറി മാങ്കോട് രാധാകൃഷ്ണന്‍ എന്നിവര്‍ പ്രസ്താവനയില്‍ ആവശ്യപ്പെട്ടു. ഗുരുതരമായ ചട്ടലംഘനമാണ് പ്രിന്‍സിപ്പാള്‍ നടത്തിയതെന്ന് വ്യക്തമായിട്ടും നടപടി സ്വീകരിക്കാതിരിക്കുന്നത് സംശയാസ്പദമാണ്. നീതിബോധത്തോടെ സംസ്ഥാന സര്‍ക്കാര്‍ ഉണര്‍ന്ന് പ്രവര്‍ത്തിക്കേണ്ടതുണ്ട്. വിദ്യാര്‍ഥി സംഘടനാ പ്രതിനിധികളുമായി പ്രശ്‌നം ചര്‍ച്ചചെയ്ത് സമരം ഒത്തുതീര്‍പ്പാക്കാന്‍ സര്‍ക്കാര്‍ ഇനിയും വൈകരുതെന്ന് അവര്‍ ആവശ്യപ്പെട്ടു.