തിരുവനന്തപുരം: ഡി.വൈ.എഫ്.ഐ പ്രവര്‍ത്തകനും ബി.ജെ.പി പ്രവര്‍ത്തകനും ഇന്നലെ രാത്രി വെട്ടേറ്റു. കാരക്കോണത്താണ് സംഭവം. രാത്രി 10 മണിയോടെ ഡി.വൈ.എഫ്.ഐ പ്രവര്‍ത്തകനായ കാരക്കോണം സ്വദേശി അശ്വിനും രാത്രി 12ഓടെ തോലടി സ്വദേശി സതികുമാറിനുമാണ് വെട്ടേറ്റത്.

ഡി.വൈ.എഫ്.ഐ കാരക്കോണം യൂണിറ്റ് ജോയിന്റ് സെക്രട്ടറിയായ അശ്വിന് ജോലി കഴിഞ്ഞ മടങ്ങിവരും വഴിയാണ് വെട്ടേറ്റത്. ആക്രമണത്തിന് പിന്നില്‍ ആര്‍.എസ്.എസുകാരാണെന്നാണ് ആരോപണം.

ഈ സംഭവത്തിനു ശേഷമാണ് ബി.ജെ.പി പ്രവര്‍ത്തകനായ സതികുമാറിനു വെട്ടേറ്റത്. തലക്കു ഗുരുതരമായി പരുക്കേറ്റ സതികുമാര്‍ മെഡിക്കല്‍ കോളജ് ആശുപത്രിയില്‍ ചികിത്സയിലാണ്.