അങ്കാറ: സിറിയയില്‍ കുര്‍ദ് സൈന്യത്തെ സഹായിക്കാനുള്ള അമേരിക്കയുടെ നീക്കത്തിനെതിരേ തുര്‍ക്കി. കുര്‍ദ് വിഭാഗത്തിന്റെ നേതൃത്വത്തില്‍ 30,000 അംഗങ്ങളുള്ള അതിര്‍ത്തി സുരക്ഷാസേനയെ സജ്ജമാക്കാനാണ് അമേരിക്ക നീക്കം നടത്തുന്നത്. കുര്‍ദ് സൈനികര്‍ക്കു പരിശീലനം നല്‍കാനുള്ള അമേരിക്കയുടെ ശ്രമത്തെ തകര്‍ക്കുമെന്ന് തുര്‍ക്കി പ്രസിഡന്റ് റജബ് ത്വയ്യിബ് ഉര്‍ദുഗാന്‍ പറഞ്ഞു.അമേരിക്കയുടെ നീക്കം രാജ്യത്തിന്റെ പരമാധികാരത്തിനുമേലുള്ള കടുത്ത കടന്നുകയറ്റമാണെന്ന് സിറിയ പറഞ്ഞു. ഇത് രാജ്യത്തെ വിഭജനത്തിലേക്കു നയിക്കുമെന്ന് റഷ്യയും പ്രതികരിച്ചു.