വള്ളിക്കുന്ന്: വള്ളിക്കുന്നിലെ റെയില്‍വെ ട്രാക്കിന്റെ സമീപത്തും മുണ്ടിയന്‍ കാവ് ചാലിയപാടത്തും പുലിയെ കണ്ടതായുള്ള വിവരത്തിന്റെ അടിസ്ഥാനത്തില്‍ പ്രദേശത്തെ ജനജീവിതം സ്തംഭിച്ചു. കഴിഞ്ഞ ദിവസം കോഴിക്കോട് നിന്നും മലപ്പുറത്ത് നിന്നും ഫോറസ്റ്റ് ഉദ്യോഗസ്ഥര്‍ എത്തി പ്രദേശത്തെ കുറ്റിക്കാട്ടില്‍ പരിശോധന നടത്തി പ്രദേശവാസികള്‍ക്ക് ജാഗ്രതാനിര്‍ദേശം നല്‍കിയതോടെ പ്രദേശം കടുത്ത സ്തംഭനത്തിലാണ്. നേരം സന്ധ്യയാകുമ്പോഴേക്കും പ്രദേശം നിശ്ചലമാണ്. പകല്‍ സമയങ്ങളിലും ഏറെ ഭയത്തോടെയാണ് വിദ്യാര്‍ഥികള്‍ സ്‌കൂളുകളിലേക്കും മദ്‌റസകളിലേക്കും പോകുന്നത്.