കല്‍പ്പറ്റ: കേരള ക്രിക്കറ്റ് ടീമിലെ ആദ്യകാല കളിക്കാരുടെ സംഘടനയായ കേരള വെറ്ററന്‍സ് ക്രിക്കറ്റ് അസോസിയേഷന്‍ ബൈജൂസ് ദി ലേണിങ്ങ് ആപ്പുമായി സഹകരിച്ച് നടത്തുന്ന നാലാമത് വെറ്ററന്‍സ് പ്രീമിയര്‍ ലീഗ് കൃഷ്ണഗിരി ക്രിക്കറ്റ് സ്റ്റേഡിയത്തില്‍ നടക്കും.10 മുതല്‍ വരെ 12 വരെയാണ് ടൂര്‍ണമെന്റ്. ബി.സി.സി.ഐ മുന്‍ വൈസ് പ്രസിഡന്റും കേരള ക്രിക്കറ്റ് അസോസിയേഷന്‍ മുന്‍ പ്രസിഡന്റുമായ ടി.സി മാത്യു ടൂര്‍ണമെന്റ് ഉദ്ഘാടനം ചെയ്യും. പരിപാടിയിലൂടെ സമാഹരിച്ച് കിട്ടുന്ന പണം സാമ്പത്തികമായി പിന്നാക്കം നില്‍ക്കുന്ന പഴയകാല കളിക്കാരുടെ ചികിത്സാ ചെലവിനായി വിനിയോഗിക്കുന്നതിനെപ്പം പുതിയ പ്രതിഭകള്‍ക്കുള്ള പ്രോത്സാഹനത്തിനായും ഉപയോഗിക്കും.
അണ്ടര്‍ 19 ഇന്ത്യന്‍ ടീമിലേക്ക് തെരഞ്ഞെടുക്കപ്പെട്ട മലയാളി താരങ്ങളായ രോഹന്‍ എസ് കുന്നുമ്മല്‍, ഡാരില്‍ എസ് ഫെരാരിയോ, സിജോമോന്‍ ജോസഫ് എന്നിവരെ കേരള വെറ്ററന്‍സ് ക്രിക്കറ്റ് അസോസിയേഷന്റെ നേതൃത്വത്തില്‍ ആദരിക്കും.