വെഞ്ഞാറമൂട്: സ്‌കൂള്‍ ബസും കാറും കൂട്ടിയിടിച്ച് അഞ്ചു പേര്‍ക്ക് പരുക്കേറ്റു. ഇളമ്പ പള്ളിയറ തിരുവാതിരയില്‍ ബിജുകുമാര്‍ (42), റാണി (36), മകന്‍ ഗോവിന്ദ് (9), ഇളമ്പ പള്ളിയറ അളകാപുരിയില്‍ സനോജ് (36) എന്നിവര്‍ക്കാണ് പരുക്കേറ്റത്. ഇന്നലെ രാവിലെ 8.30ന് വെഞ്ഞാറമൂട്-ആറ്റിങ്ങല്‍ റോഡില്‍ മുക്കുന്നൂരിലായിരുന്നു അപകടം. കാറിലുണ്ടായിരുന്നവര്‍, ചൂടുവെള്ളം ദേഹത്തുവീണ് പൊള്ളലേറ്റ ഒമ്പതു വയസ്സുകാരനെയും കൊണ്ട് ആശുപത്രിയിലേക്കു പോകുന്നവഴിയായിരുന്നു.
മുക്കുന്നൂരില്‍ ഇടറോഡില്‍നിന്നു പ്രധാന റോഡിലേക്ക് പെട്ടെന്ന് ബൈക്കില്‍ ഇടിക്കാതിരിക്കാന്‍ വെട്ടിത്തിരിക്കുന്നതിനിടെ കാര്‍ നിയന്ത്രണംവിട്ട് ബസിലിടിക്കുകയായിരുന്നു. ഇടിയില്‍ കാറിന്റെ മുന്‍ഭാഗം പൂര്‍ണമായും തകര്‍ന്നു. വെഞ്ഞാറമൂട് ഫയര്‍ഫോഴ്‌സും പൊലിസും നാട്ടുകാരും ചേര്‍ന്നാണ് രക്ഷാപ്രവര്‍ത്തനം നടത്തിയത്. പരുക്കേറ്റവരെ ശ്രീഗോകുലം മെഡിക്കല്‍കോളജില്‍ പ്രവേശിപ്പിച്ചു.