മുക്കം: മണാശ്ശേരി കെ.എം.സി.ടി മെഡിക്കല്‍ കോളജിനു സമീപത്തെ റബര്‍ തോട്ടത്തില്‍ തീപിടിത്തം. ഇന്നലെ വൈകിട്ടോടെയായിരുന്നു സംഭവം. ഉണങ്ങിക്കിടന്ന കാടിനാണ് തീപിടിച്ചത്.
നിരവധി റബര്‍ മരങ്ങള്‍ നശിച്ചിട്ടുണ്ട്.മുക്കം ഫയര്‍‌സ്റ്റേഷനിലെ ഫയര്‍മാന്‍ രാജേഷിന്റെ നേതൃത്വത്തില്‍ സാദ് അഹമ്മദ്, വിജീഷ് കുമാര്‍, ഫാസില്‍ അലി, വിപിന്‍ എന്നിവരടങ്ങുന്ന ഫയര്‍ യൂനിറ്റ് സ്ഥലത്തെത്തി തീയണച്ചു. തീ ആളിക്കത്തിയത് മെഡിക്കല്‍ കോളജിലെത്തിയവരിലും പരിഭ്രാന്തി സൃഷ്ടിച്ചു. കോളജ് വിദ്യാര്‍ഥികളാണ് ഫയര്‍‌സ്റ്റേഷനില്‍ വിവരമറിയിച്ചത്.