ഈരാറ്റുപേട്ട: സി.ബി.എസ്.ഇ പത്താം ക്ലാസ് പരീക്ഷയില്‍ തുടര്‍ച്ചയായി 18-ാംവര്‍ഷവും നൂറുശതമാനം വിജയം നേടിക്കൊണ്ട് ഈരാറ്റുപേട്ട അല്‍മനാര്‍ സ്‌കൂള്‍ മികവ് നില നിര്‍ത്തി. സി.ബി.എസ്.ഇ ബോര്‍ഡ് പരീക്ഷയെഴുതിയ 57 കുട്ടികളില്‍ 15 പേര്‍ക്ക് മുഴുവന്‍ വിഷയങ്ങള്‍ക്കും അ1 ഗ്രേഡ് ലഭിച്ചു.  35 പേര്‍ക്ക് ഡിസ്റ്റിംഗ്ഷന് മുകളിലും, ബാക്കി കുട്ടികള്‍ 70 ശതമാനത്തിന് മുകളിലും മാര്‍ക്കോടെയാണ് വിജയിച്ചത്. പ്ലസ് ടൂ പരീക്ഷയിലും പരീക്ഷയെഴുതിയ മുഴുവന്‍ കുട്ടികളെയും വിജയിപ്പിച്ച് കൊണ്ട് സ്‌കൂള്‍ മികച്ച പ്രകടനം കാഴ്ച വെച്ചിരുന്നു.
സ്‌കൂളിന് അഭിമാനിക്കാവുന്ന മികച്ച വിജയം സമ്മാനിച്ച മുഴുവന്‍ കുട്ടികളെയും സ്‌കൂള്‍ മാനേജ്‌മെന്റും അധ്യാപകരും, പി.ടി.എ കമ്മറ്റിയും അനുമോദിച്ചു.