ദമാം: സഊദി പാസ്‌പോര്‍ട്ട് വകുപ്പ് ആരംഭിച്ച ഇലക്ട്രോണിക് വീസ പോര്‍ട്ടല്‍ മെച്ചപ്പെടുത്താന്‍ പ്രവാസികള്‍ക്കും നിര്‍ദേശങ്ങള്‍ സമര്‍പ്പിക്കാം. സ്വദേശികളില്‍നിന്നുള്ളവര്‍ക്കു പുറമെ  പ്രവാസികളില്‍ നിന്നും നല്ല നിര്‍ദേശങ്ങളാണ് പാസ്സ്‌പോര്‍ട്ട് വിഭാഗം പ്രതീക്ഷിക്കുന്നത്. സേവനങ്ങള്‍ കൂടുതല്‍ മെച്ചപ്പെടുത്തുന്നതിനു പുറമെ പോര്‍ട്ടല്‍ ഉപയോഗിക്കുമ്പോള്‍ നേരിടുന്ന പ്രയാസങ്ങള്‍ പരിഹരിക്കാനും നിര്‍ദേശങ്ങള്‍ സഹായിക്കുമെന്ന് പാസ്‌പോര്‍ട്ട് കാര്യാലയ വക്താവ് തലാല്‍ അല്‍ ഷല്‍ഹൂബ് അറിയിച്ചു.

നിയമവിരുദ്ധപ്രവര്‍ത്തനങ്ങള്‍ തടയാനും നിര്‍ദേശങ്ങള്‍ സഹായിക്കും. ഉപയോക്താക്കള്‍ക്ക് അവരുടെ ട്വിറ്റര്‍, ഫെയ്‌സ്ബുക് അക്കൗണ്ടുകള്‍ വഴി https://jawazatfuture.gdp.gov.sa/auth/login# എന്ന സൈറ്റില്‍ ലോഗിന്‍ ചെയ്ത് നിര്‍ദേശങ്ങള്‍ സമര്‍പ്പിക്കാം. ഇംഗ്ലിഷിലും അറബിയിലുമുള്ള പോര്‍ട്ടല്‍ രണ്ടിനാണ് പ്രവര്‍ത്തനം ആരംഭിച്ചത്.