ഷില്ലോങ്: വടക്കുകിഴക്കന്‍ സംസ്ഥാനങ്ങളായ ത്രിപുര, നാഗാലാന്‍ഡ്, മേഘാലയ സംസ്ഥാനങ്ങളില്‍ ഭരണത്തിലേറുമെന്ന് കോണ്‍ഗ്രസ്.
മേഘാലയയില്‍ തുടര്‍ച്ചയായി ഭരണത്തിലിരിക്കുന്ന കോണ്‍ഗ്രസ് ഇത്തവണയും അധികാരത്തിലേറുമെന്നും മറ്റ് രണ്ട് സംസ്ഥാനങ്ങളായ ത്രിപുരയിലും നാഗാലാന്‍ഡിലും അധികാരം പിടിച്ചെടുക്കുമെന്നും കോണ്‍ഗ്രസ് വക്താവ് രണ്‍ദീപ് സുര്‍ജെവാല പറഞ്ഞു.
മേഘാലയയില്‍ ഭരണത്തുടര്‍ച്ചയുണ്ടാകുമെന്ന കാര്യത്തില്‍ ഒരു തരത്തിലുള്ള സംശയവും വേണ്ടതില്ല. മൂന്ന് സംസ്ഥാന തെരഞ്ഞെടുപ്പുകളിലും പാര്‍ട്ടി യോജിച്ച മുന്നേറ്റമാണ് നടത്തുക. ജനങ്ങളുടെ വികാരം തിരിച്ചറിഞ്ഞുള്ള പ്രവര്‍ത്തനമാണ് പാര്‍ട്ടി നടത്തുകയെന്നും അദ്ദേഹം വ്യക്തമാക്കി.