തിരുവനന്തപുരം: രമേശ് ചെന്നിത്തലയെ സംസ്ഥാനത്തിന്റെ പ്രതിപക്ഷ നേതാവായി തിരഞ്ഞെടുത്തു. കെ.പി.സി.സി ആസ്ഥാനത്ത് നടന്ന കോണ്‍ഗ്രസ് പാര്‍ലമെന്ററി പാര്‍ട്ടി യോഗത്തിലാണ് തീരുമാനം. യോഗതീരുമാനം ഹൈക്കമാന്റ് അംഗീകരിച്ചു. യു.ഡി.എഫ് ഘടകകക്ഷികളെ ഹൈക്കമാന്റ് ഇക്കാര്യം അറിയിച്ചു.


തീരുമാനം ഐക്യകണ്‌ഠേനയായിരുന്നുവെന്ന് എഐസിസി നിരീക്ഷക ഷീല ദീക്ഷിത് പറഞ്ഞു.
അഞ്ചര മണിക്കൂര്‍ നീണ്ട ചര്‍ച്ചകള്‍ക്കൊടുവിലാണ് തീരുമാനം ഉണ്ടായത്.

ഉമ്മന്‍ ചാണ്ടിയാണ് ചെന്നിത്തലയുടെ പേര് നിര്‍ദേശിച്ചത്. വി.ടി. ബല്‍റാം, അടൂര്‍ പ്രകാശ്, വി.!ഡി. സതീശന്‍ എന്നിവര്‍ പിന്താങ്ങി.
തെരഞ്ഞെടുപ്പില്‍ പരാജയപ്പെട്ടതിന്റെ ഉത്തരവാദിത്വം ഏറ്റെടുത്ത് താന്‍ പ്രതിപക്ഷ നേതാവ് സ്ഥാനത്തേക്കില്ലെന്ന് ഉമ്മന്‍ചാണ്ടി നേരത്തെ തന്നെ വ്യക്തമാക്കിയിരുന്നു.