ന്യൂഡല്‍ഹി: ദാവോസില്‍ ഇന്നു മുതല്‍ ആരംഭിക്കുന്ന വേള്‍ഡ് ഇക്കണോമിക് ഫോറത്തില്‍ പങ്കെടുക്കുന്ന മോദിക്ക് ഭക്ഷണമൊരുക്കാന്‍ 32 ഇന്ത്യന്‍ പാചകക്കാര്‍. ഇന്ത്യന്‍ വിഭവങ്ങളൊരുക്കാനായി 1000 കി.ഗ്രാം സുഗന്ധ വ്യഞ്ജനങ്ങളാണ് ദാവോസിലേക്ക് കൊണ്ടുപോയത്. താജ് ഗ്രൂപ്പിന്റെ നേതൃത്വത്തിലുള്ള പാചകക്കാരാണ് വിഭവങ്ങളൊരുക്കാനായി പുറപ്പെട്ടത്. വ്യത്യസ്ത വേദികളിലും മോദിക്ക് ഭക്ഷണമൊരുക്കാന്‍ ഈ സംഘമാണുണ്ടാവുക. പ്രധാനമന്ത്രിക്ക് ഒരുക്കുന്ന വിഭവങ്ങള്‍ക്ക് ഇന്ത്യന്‍ വിഭവങ്ങളുടെ രുചിയുണ്ടായിരിക്കണമെന്നും പൂര്‍ണമായും വെജിറ്റേറിയനായിരിക്കണമെന്നും പാചകക്കാരോട് നിര്‍ദേശിച്ചതായി മോദിയുടെ ദാവോസ് യാത്രയുടെ ചുമതലയുള്ള രഖു ദോറ പറഞ്ഞു. ഇന്ത്യയില്‍ നിന്ന് 1000 കിഗ്രാം സുഗന്ധ വ്യഞ്ജനങ്ങള്‍ എത്തിച്ചെന്നും ആകെ 12,000 പേരാണ് ദാവോസിലേക്ക് പുറപ്പെട്ടതെന്നും അദ്ദേഹം പറഞ്ഞു.