കാബൂള്‍: അഫ്ഗാനിസ്താനെ മുള്‍മുനയില്‍ നിര്‍ത്തി കാബൂളിലെ ഇന്റര്‍കോണ്ടിനെന്റല്‍ ഹോട്ടലില്‍ നടന്ന താലിബാന്‍ ആക്രമണത്തില്‍ മരിച്ചവരുടെ എണ്ണം 22 ആയി. അഫ്ഗാന്‍ ആരോഗ്യ മന്ത്രാലയമാണ് ഇക്കാര്യം അറിയിച്ചത്. മരണസംഖ്യ 40 വരെ ഉയരാനിടയുണ്ടെന്ന് രാജ്യത്തെ ദേശീയ വാര്‍ത്താ ഏജന്‍സിയായ ടോലോ റിപ്പോര്‍ട്ട് ചെയ്തിട്ടുണ്ട്.
ശനിയാഴ്ച രാത്രിയും ഞായറാഴ്ച പകലുമായി നടന്ന ആക്രമണത്തില്‍ 160 പേരെ രക്ഷിച്ചിട്ടുണ്ട്. ഇതില്‍ 50ഓളം വിദേശികളും ഉള്‍പ്പെടും. അതിഥികളെയും ജീവനക്കാരെയും ബന്ധികളാക്കിയ ശേഷം ഭീകരര്‍ വെടിയുതിര്‍ക്കുകയായിരുന്നു.