പാലക്കാട്: ജില്ലാ ലൈബ്രറി കൗണ്‍സിലും ജില്ലാ പബ്ലിക് ലൈബ്രറിയും ചേര്‍ന്ന് ഫെബ്രുവരി 12ന് നടത്തുന്ന ഒ.എന്‍.വി അനുസ്മരണ സമ്മേളനത്തോടനുബന്ധിച്ച് വിവിധ മത്സരങ്ങള്‍ ജില്ലാ പബ്ലിക് ലൈബ്രറിയിലെ മറിയുമ്മ ഹാളില്‍ ഇന്ന് നടത്തും.
മത്സരത്തിന് പേര് നല്‍കിയവര്‍ രാവിലെ 9.30ന് ജില്ലാ പബ്ലിക് ലൈബ്രറിയില്‍ എത്തണം. ഒ.എന്‍.വി കവിതാലാപനം, ഒ.എന്‍.വി ചലച്ചിത്രഗാനാലാപനം, പ്രസംഗം ഇനങ്ങളിലാണ് ഇന്ന് മത്സരം. ഉപന്യാസ രചന, കവിതാരചന മത്സരങ്ങള്‍ പൂര്‍ത്തിയായി. ഒ.എന്‍.വി അനുസ്മരണ സമാപന സമ്മേളനം ഫെബ്രുവരി 12 വൈകിട്ട് എം.ബി. രാജേഷ് എം.പി ഉദ്ഘാടനം ചെയ്യും. മത്സര വിജയികള്‍ക്ക് ജില്ലാ കലക്ടര്‍ പി. മേരിക്കുട്ടി സമ്മാനം വിതരണം ചെയ്യും. ആലങ്കോട് ലീലാകൃഷ്ണന്‍ സമാപന പ്രഭാഷണം നടത്തും.