പാലക്കാട്: കേന്ദ്ര ഫീല്‍ഡ് പബ്ലിസിറ്റി ഡയറക്ടറേറ്റ് കിഴക്കഞ്ചേരി ഗ്രാമ പഞ്ചായത്തില്‍ ആരോഗ്യ ബോധവത്കരണ ക്ലാസ് നടത്തി. ജില്ലാ ആര്‍.സി.എച്ച് ഓഫിസര്‍ ഡോ. ജയന്തി വനിതാ ആരോഗ്യ ബോധവത്കരണ ക്ലാസ് നയിച്ചു. സമാപന സമ്മേളനം കിഴക്കഞ്ചേരി ഗ്രാമ പഞ്ചായത്ത് ഹാളില്‍ ജില്ലാ പഞ്ചായത്ത് വികസന കാര്യ സ്റ്റാന്‍ഡിങ് കമ്മിറ്റി ചെയര്‍ പേഴ്‌സണ്‍ ഗീത ഉദ്ഘാടനം ചെയ്തു. കിഴക്കഞ്ചേരി ഗ്രാമ പഞ്ചായത്ത് വൈസ് പ്രസിഡന്റ് പി.എം. കലാധരന്‍ അധ്യക്ഷനായി. പി.എന്‍. രവീന്ദ്രന്‍, സാറാ ഉമ്മ, ഫീല്‍ഡ് പബ്ലിസിറ്റി ഓഫിസര്‍മാരായ എം. സ്മിതി, സുധ എസ്. നമ്പൂതിരി, ചൈല്‍ഡ് ഡവലപ്‌മെന്റ് പ്രൊജക്ട് ഓഫിസര്‍ അന്ന ജോബ്, സി. സായിനാഥ്, ബാബുരാജ് പങ്കെടുത്തു.