മഞ്ചേരി: ബസില്‍വച്ചു മാല മോഷണംപോയെന്ന യാത്രക്കാരിയുടെ പരാതിയെ തുടര്‍ന്നു മുഴുവന്‍ യാത്രക്കാരും ദുരിതത്തിലായി. ഇന്നലെ വൈകിട്ട് മഞ്ചേരിയില്‍നിന്ന് എളങ്കൂര്‍ ഭാഗത്തേക്ക് പോകുകയായിരുന്ന സ്വകാര്യ ബസിലാണ് സംഭവം.
എളങ്കൂര്‍ സ്വദേശിനിയുടെ മൂന്ന് പവന്റെ സ്വര്‍ണമാലയാണ് കളവുപോയത്. മഞ്ചേരി ബസ് പുതിയ സ്റ്റാന്‍ഡില്‍നിന്നു ബസ് ഓടി തുടങ്ങുമ്പോഴാണ് യുവതി തന്റെ കഴുത്തില്‍ മാലയില്ലെന്ന് അറിയുന്നത്. മാല കിട്ടാതായതോടെ ആളെയിറക്കാതെ ബസ് മഞ്ചേരി പൊലിസ് സ്‌റ്റേഷനിലേക്ക് വിട്ടു.
പൊലിസ് ബസില്‍നിന്നു യാത്രക്കാരെ ഇറക്കി വിശദമായ പരിശോധന നടത്തിയെങ്കിലും മാല കണ്ടെത്താനായില്ല. പൊലിസ് സ്‌റ്റേഷനിലെ പരിശോധന കഴിഞ്ഞശേഷമാണ് യാത്രക്കാര്‍ക്ക് വിവിധ സ്ഥലങ്ങളിലേക്കു പോകാനായത്.