കണ്ണൂര്‍: 63ാമത് ദേശീയ സ്‌കൂള്‍ ഗെയിംസ് തൈക്വാണ്ടോ ചാംപ്യന്‍ഷിപ്പില്‍ 14 സ്വര്‍ണവും നാല്് വെള്ളിയും ആറ് വെങ്കലവുമായി 88 പോയിന്റോടെ കേരളം മുന്നില്‍. ആറ് സ്വര്‍ണവും ആറ് വെള്ളിയും നാല് വെങ്കലവുമായി 52 പോയിന്റോടെ ഡല്‍ഹി രണ്ടാം സ്ഥാനത്തും നാല് സ്വര്‍ണവും നാല് വെള്ളിയും മൂന്ന് വെങ്കലവുമായി 30 പോയിന്റോടെ ഹരിയാന മൂന്നാം സ്ഥാനത്തും നില്‍ക്കുന്നു. ഇന്നലെ നടന്ന മത്സരത്തില്‍ സീനിയര്‍ പെണ്‍കുട്ടികളുടെ 49 കിലോ വിഭാഗത്തില്‍ കേരളത്തിന്റെ ലളിത സ്വര്‍ണവും ഡല്‍ഹിയുടെ കേമറൂന്‍ യുംനാന്‍ വെള്ളിയും സി.ബി.എസ്.സി വേല്‍ഫേറിന്റെ അനീഷ വെങ്കലവും കരസ്ഥമാക്കി. സീനിയര്‍ ആണ്‍കുട്ടികളുടെ ഓവര്‍ 78 കിലോ വിഭാഗത്തില്‍ ഡല്‍ഹിയുടെ ശ്രേയസ് ടെറ്റര്‍ സ്വര്‍ണവും തെലങ്കാനയുടെ ധനേഷ് ഗൗട് വെള്ളിയും മധ്യപ്രദേശിന്റെ ചിരാജ് ഗോപ്‌ലിനി വെങ്കലവും നേടി.