കല്‍പ്പറ്റ: മേപ്പാടിയിലെ ദുരിന്തബാധിതര്‍ക്ക് പഴകിയ ഭക്ഷ്യവസ്തുക്കല്‍ വിതരണം ചെയ്ത സംഭവത്തില്‍ അന്വേഷണം. പരാതിയില്‍ വിശദമായ അന്വേഷണം നടത്താന്‍ ജില്ല കളക്ടര്‍ മേഘശ്രീ ഭക്ഷ്യസുരക്ഷ വകുപ്പിന് നിര്‍ദേശം നല്കി. ഭക്ഷ്യവസ്തുക്കള്‍ ഉള്‍പ്പെടെയുള്ള എല്ലാ വസ്തുക്കളും സമയബന്ധിതമായി വിതരണം ചെയ്യാനും കലക്ടര്‍ നിര്‍ദേശം നല്‍കി. 

അഡ്വ. ടി. സിദ്ദീഖ് എം.എല്‍.എ, മേപ്പാടി പഞ്ചായത്ത് പ്രസിഡന്റ് കെ ബാബു, മറ്റ് അംഗങ്ങള്‍ എന്നിവരുമായി നടത്തിയ ചര്‍ച്ചയിലാണ് കലക്ടര്‍ ഇക്കാര്യം അറിയിച്ചത്. 

സന്നദ്ധ സംഘടനകള്‍ ഉള്‍പ്പെടെ നല്‍കുന്ന ഭക്ഷ്യവസ്തക്കള്‍ വിതരണം ചെയ്യുന്നതിന് മുന്‍പ് തദ്ദേശ സ്ഥാപനങ്ങള്‍ ഗുണമേന്മ ഉറപ്പുവരുത്തണമെന്നും കലക്ടര്‍ നിര്‍ദേശം നല്‍കി. ആവശ്യമെങ്കില്‍ ഭക്ഷ്യസുരക്ഷ വകുപ്പിന്റെ സേവനം ഉപയോഗപ്പെടുത്താനും നിര്‍ദേശമുണ്ട്. ലഭ്യമായ എല്ലാ ഭക്ഷ്യവസ്തുക്കളും സമയബന്ധിതമായി വിതരണം ചെയ്യാനും നിര്‍ദേശം നല്‍കിയതായി കലക്ടര്‍ അറിയിച്ചു.

Worms in the food kit given to disaster victims in Mepadi Collector ordered an investigation