തൃക്കരിപ്പൂര്‍: ഇന്നലെ നിര്യാതനായ കൈകോട്ടുക്കടവ് പൂക്കോയതങ്ങള്‍ സ്മാരക വൊക്കേ്ഷണല്‍ ഹയര്‍സെക്കന്‍ഡറി സ്‌കൂള്‍ അധ്യാപകന്‍ മുഹമ്മദിനു നാട് വിട നല്‍കി. സ്‌കൂളിലെ കുട്ടികള്‍ക്ക് അദ്ദേഹം രക്ഷിതാവുകൂടിയാണ്. കൈക്കോട്ടുക്കടവ് പോളിങ് സ്റ്റേഷന്‍ പരിധിയിലെ ബൂത്ത് ലെവല്‍ ഓഫിസറുമായിരുന്നു. കോഴിക്കോട് സ്വകാര്യ ആശുപത്രിയില്‍ ഇന്നലെ രാവിലെ ഒന്‍പതോടെ മരണപ്പെട്ട മുഹമ്മദ് മാസ്റ്ററുടെ മയ്യിത്ത് വൈകീട്ട് ആറോടെ സ്‌കൂള്‍ കോമ്പൗണ്ടില്‍ പൊതുദര്‍ശനത്തിനു വച്ചു. നൂറുക്കണക്കിനാളുകള്‍ അന്തിമോപചാരം അര്‍പ്പിക്കാനെത്തി. ഉടുമ്പുന്തല ഖബര്‍സ്ഥാനില്‍ ഖബറടക്കി.
കെ.എസ്.ടി.യു സംസ്ഥാന പ്രസിഡന്റ് സി.പി ചെറിയ മുഹമ്മദ്, വൈസ് പ്രസിഡന്റ് എ.സി അത്താവുള്ള, സെക്രട്ടറി എ.കെ സൈനുദ്ദീന്‍ സംസ്ഥാന പ്രവര്‍ത്തക സമിതി അംഗങ്ങളായ പി അസൈന്‍, ടി.കെ.പി അബ്ദുല്‍റഊഫ്, ഗഫൂര്‍ ദേളി, ജില്ലാ പ്രസിഡന്റ് റസാക്ക് പുനത്തില്‍, സെക്രട്ടറി സമീര്‍ തെക്കില്‍ എന്നിവര്‍ അനുശോചിച്ചു