കാസര്‍കോട്: 15 മുതല്‍ 19 വരെ എല്‍.ബി.എസ് എന്‍ജിനിയറിങ് കോളജില്‍ നടക്കുന്ന കണ്ണൂര്‍ സര്‍വകലാശാല യൂനിയന്‍ കലോത്സവത്തിന്റെ മീഡിയാ റൂം കോളജ് കാംപസില്‍ ജില്ലാ കലക്ടര്‍ കെ ജീവന്‍ ബാബു ഉദ്ഘാടനം ചെയ്തു. പ്രസ് ക്ലബ് പ്രസിഡന്റ് സണ്ണി ജോസഫ് അധ്യക്ഷനായി. ചെങ്കള പഞ്ചായത്ത് പ്രസിഡന്റ് ഷാഹിനാ സലിം, ഡോ. മുഹമ്മദ് ഷുക്കൂര്‍, ബി വൈശാഖ്, കെ മഹേഷ്, ജില്‍മി വര്‍ഗിസ്, ശരത് കെ ശശി സംബന്ധിച്ചു. യൂനിയന്‍ കലോത്സവത്തിന്റെ പന്തല്‍ കാല്‍ നാട്ടല്‍ കര്‍മം എല്‍.ബി.എസ് എന്‍ജിനിയറിങ് കോളജ് ഗ്രൗണ്ടില്‍ കാസര്‍കോട് ഡിവൈ.എസ്.പി സുകുമാരന്‍ കഴിഞ്ഞ ദിവസം നിര്‍വഹിച്ചിരുന്നു.