ന്യൂഡല്‍ഹി: പദ്മാവത് സിനിമയുടെ പേരില്‍ കര്‍ണിസേന അഴിച്ചു വിടുന്ന അതിക്രമങ്ങള്‍ക്കെതിരെ റോബര്‍ട്ട് വധേര. ഗുഡ്ഗാവില്‍ കൊച്ചു കുട്ടികള്‍ സഞ്ചരിച്ച സ്‌കൂള്‍ ബസിനു നേരെയുണ്ടായ അതിക്രത്തിലാണ് വധേരയുടെ പ്രതികരണം.

 നിസ്സഹായരായ കുട്ടികള്‍ക്കു നേരെയുണ്ടായ മനുഷ്യത്വമില്ലാത്ത അക്രമമെന്ന് വധേര പറഞ്ഞു. അഹിംസാ മാര്‍ഗത്തിലൂടെ ഗാന്ധിജി സ്വാതന്ത്ര്യം നേടിത്തന്ന രാജ്യമാണിത്. പ്രതിഷേധം അക്രമരഹിതവുമാവാം. അക്രമത്തിലൂടെ അതിരുകള്‍ ലംഘിച്ചു തന്നെ പ്രതിഷേധങ്ങള്‍ നടത്തണമെന്നില്ല. കുട്ടികളോട് ചെയ്ത ഈ പ്രവര്‍ത്തിക്ക് ഒറു ന്യായീകരണവുമില്ലെന്നും അദ്ദേഹം ആവര്‍ത്തിച്ചു.