ന്യൂഡല്‍ഹി: സംഗീത സംവിധായകന്‍ ഇളയരാജയ്ക്കും ഭാരതീയ വിചാരകേന്ദ്രം ഡയരക്ടര്‍ പി പരമേശ്വരനും പത്മവിഭൂഷണ്‍. വ്യോമസേനാ ഉദ്യോഗസ്ഥന്‍ ജ്യോതി പ്രകാശ് നിരാലയ്ക്ക് മരണാനന്തര ബഹുമതിയായി അശോകചക്ര ലഭിച്ചു. എയര്‍ മാര്‍ഷല്‍ ചന്ദ്രശേഖരന്‍ ഹരികുമാറിന് പരംവിശിഷ്ട സേവാമെഡലും പ്രഖ്യാപിച്ചു. പശ്ചിമ വ്യോമ കമാന്‍ഡ് മേധാവിയാണ് മലയാളിയായ ചന്ദ്രശേഖരന്‍ ഹരികുമാര്‍.

വനമുത്തശ്ശി എന്നറിയപ്പെടുന്ന വിതുര സ്വദേശി ലക്ഷ്മിക്കുട്ടി (നാട്ടുവൈദ്യം), കോഴിക്കോട് സ്വദേശി ഡോ. എം.ആര്‍ രാജഗോപാലിനും (സാന്ത്വനചികിത്സ) പത്മശ്രീ പുരസ്‌കാരങ്ങളും ലഭിച്ചു.

ഭരതീയ ജനസംഘത്തിന്റെ ദീര്‍ഘകാല ദേശീയ നേതാവായിരുന്നു പി പരമേശ്വരന്‍. ദീന്‍ദയാല്‍ റിസര്‍ച്ച് ഇന്‍സ്റ്റിറ്റ്യൂട്ടിന്റെ ഡയരക്ടറായും കുറേ കാലം പ്രവര്‍ത്തിച്ചു.