കീവ്: ഉക്രൈന്‍ തലസ്ഥാനമായ കീവില്‍ വൃദ്ധസദനത്തിന് തീപിടിച്ച് 17 പേര്‍ മരിച്ചു. ഞായറാഴ്ച പുലര്‍ച്ചെയായിരുന്നു സംഭവം. രണ്ടുനില കെട്ടിടത്തിലാണ് തീപിടിത്തമുണ്ടായത്. 35 അന്തേവാസികളാണ് ഇവിടെ ഉണ്ടായിരുന്നത്. അപകടത്തില്‍ അഞ്ചു പേര്‍ക്ക് ഗുരുതരമായി പരുക്കേറ്റു. പൊള്ളലേറ്റവരെ അടുത്തുള്ള ആശുപത്രിയില്‍ പ്രവേശിപ്പിച്ചു. പതിനെട്ടു പേരെ രക്ഷപ്പെടുത്തി. മരണസംഖ്യ ഉയരാന്‍ സാധ്യതയുള്ളതായി പൊലിസ് പറഞ്ഞു. അഗ്‌നിശമന സേനയും പൊലിസും ചേര്‍ന്ന് തീ നിയന്ത്രണ വിധേയമാക്കി. ഉക്രൈന്‍ പ്രസിഡന്റ് സംഭവസ്ഥലം സന്ദര്‍ശിച്ചു അപകടത്തെ കുറിച്ച് അന്വേഷണത്തിന് ഉത്തരവിട്ടു.