തിരുവനന്തപുരം: സി.പി.ഐയുടെ വിദ്യാര്‍ഥി സംഘടനയായ എ.ഐ.എസ്.എഫിനെതിരേ രൂക്ഷവിമര്‍ശനവുമായി എസ്.എഫ്.ഐ. തിരുവനന്തപുരം ചാല ഏരിയാ സമ്മേളനത്തില്‍ അവതരിപ്പിച്ച പ്രമേയത്തിലാണ് എ.ഐ.എസ്.എഫിനെ രൂക്ഷ  ഭാഷയില്‍ എസ്.എഫ്.ഐ വിമര്‍ശിക്കുന്നത്. എ.ഐ.എസ്.എഫ് സംഘ്പരിവാര്‍ വിദ്യാര്‍ഥി സംഘടനയായി അധഃപതിക്കുകയാണെന്നും എ.ഐ.എസ്.എഫുമായി ഇനിയും സഖ്യമുണ്ടാക്കുന്നത് ആത്മഹത്യാപരമാണെന്നും എസ്.എഫ്.ഐ കുറ്റപ്പെടുത്തുന്നു.
തിരുവനന്തപുരം ലോ അക്കാദമി പ്രിന്‍സിപ്പല്‍ രാജിവയ്ക്കണമെന്നാവശ്യപ്പെട്ട് എ.ബി.വി.പി, കെ.എസ്.യു ഉള്‍പ്പെടെയുള്ള വിദ്യാര്‍ഥി സംഘടനകളുമായി യോജിച്ച് എ.ഐ.എസ്.എഫ് സമരംചെയ്ത പശ്ചാത്തലത്തിലാണ് എസ്.എഫ്.ഐയുടെ വിമര്‍ശനം.