മുക്കം: കക്കാട് ഗവ. എല്‍.പി സ്‌കൂള്‍ നടന്ന പൂര്‍വഅധ്യാപക-വിദ്യാര്‍ഥി സംഗമം കാരശ്ശേരി ഗ്രാമപഞ്ചായത്ത് പ്രസിഡന്റ് വി.കെ വിനോദ് ഉദ്ഘാടനം ചെയ്തു. വാര്‍ഡ് അംഗം ജി. അബ്ദുല്‍ അക്ബര്‍ അധ്യക്ഷനായി. മാസ് റിയാദ് ട്രഷറര്‍ പി.സി മുഹമ്മദ് സപ്ലിമെന്റ് പ്രകാശനം ചെയ്തു. ബ്ലോക്ക് പഞ്ചായത്തംഗം വി.എന്‍ ശുഹൈബ്, പി.ടി.എ പ്രസിഡന്റ് ശുക്കൂര്‍ മുട്ടാത്ത്, കക്കാട് മുഹമ്മദ് ഫൈസി, നയീം നിലമ്പൂര്‍ പ്രസംഗിച്ചു. പ്രധാനാധ്യാപകന്‍ സി.ടി അബ്ദുല്‍ ഗഫൂര്‍ സ്വാഗതവും കണ്‍വീനര്‍ കെ. അബ്ദു മാസ്റ്റര്‍ നന്ദിയും പറഞ്ഞു. സ്‌കൂളില്‍ നിന്ന് വിരമിച്ച അധ്യാപകരെയും സ്‌കൂളിന്റെ തുടക്കം മുതല്‍ 1960 വരേ പ്രവേശനം നേടിയ വിദ്യാര്‍ഥികളെയും ചടങ്ങില്‍ ആദരിച്ചു.