കോഴിക്കോട്: നടുവട്ടം ഖുവ്വത്തുല്‍ ഇസ്‌ലാം മദ്‌റസയില്‍ നടന്ന ബേപ്പൂര്‍ റെയ്ഞ്ച് ഇസ്‌ലാമിക് കലാമേളയില്‍ മാറാട് വാട്ടര്‍ടാങ്ക് നൂറുല്‍ ഇസ്‌ലാം മദ്‌റസ ജേതാക്കളായി. ബേപ്പൂര്‍ യാസീന്‍ മദ്‌റസ രണ്ടാം സ്ഥാനവും കല്ലിങ്ങല്‍ മദ്‌റസ മൂന്നാം സ്ഥാനവും കരസ്ഥമാക്കി. പരിപാടി റെയ്ഞ്ച് പ്രസിഡന്റ് കോയ മദനി ഉദ്ഘാടനം ചെയ്തു. കോട്ടുമല ബാപ്പു മുസ്‌ലിയാര്‍ അനുസ്മരണം ജഅ്ഫര്‍ ദാരിമി നിര്‍വഹിച്ചു. റഷീദ് ദാരിമി അധ്യക്ഷനായി. ഫൈസല്‍ മൗലവി സ്വാഗതം പറഞ്ഞു. സബ് ജൂനിയര്‍ വിഭാഗത്തില്‍ ആഖില്‍ ബാസിം, ജൂനിയര്‍ വിഭാഗത്തില്‍ ബിലാല്‍, സീനിയര്‍ വിഭാഗത്തില്‍ സുഹൈല്‍, സൂപ്പര്‍ സീനിയര്‍ വിഭാഗത്തില്‍ ആശിഖ് (എല്ലാവരും നൂറുല്‍ ഇസ്‌ലാം മദ്‌റസ മാറാട് വാട്ടര്‍ടാങ്ക്) ചാംപ്യന്മാരായി. ആശിഖ് എം.പിയെ കലാതിലകമായി തിരഞ്ഞെടുത്തു.