കൊയിലാണ്ടി: ഉപേക്ഷിക്കപ്പെട്ട നിലയില്‍ രണ്ടു വടിവാളുകള്‍ കണ്ടെത്തി. കൊല്ലം നെല്ല്യാടി റോഡിലെ നരിമുക്കിലെ കനാലില്‍ നിന്നുള്ള കൈകനാലില്‍ ചാക്കില്‍ കെട്ടിയ നിലയിലാണ് വാളുകള്‍ കണ്ടെത്തിയത്.
കനാലിലെ പൈപ്പിനുള്ളില്‍ ചാക്കില്‍ പൊതിഞ്ഞ നിലയിലായിരുന്നു വാളുകള്‍. ഇന്നലെ രാവിലെ നാട്ടുകാരുടെ ശ്രദ്ധയില്‍പ്പെട്ടതിനെ തുടര്‍ന്നു പൊലിസില്‍ വിവരമറിയിച്ചു. കൊയിലാണ്ടി എസ്.ഐ കെ. സുമിത്ത് കുമാറും സംഘവുംസ്ഥലത്തെത്തി വാളുകള്‍ കസ്റ്റഡിയിലെടുത്തു. അല്‍പം പഴക്കമുള്ള വാളുകള്‍ തുരുമ്പെടുത്തിട്ടുണ്ട്. ഇതുസംബന്ധിച്ച് അന്വേഷണം തുടങ്ങിയിട്ടുണ്ട്. നേരത്തെ ഈ മേഖലയില്‍ രാഷ്ട്രീയ സംഘര്‍ഷങ്ങള്‍ നടന്നിരുന്നു.