വിശാഖപട്ടണം: സര്‍വ മേഖലകളിലും തിരിച്ചടിയുണ്ടാക്കിയതിന് കാരണക്കാരനായ മുഖ്യമന്ത്രി എന്‍. ചന്ദ്രബാബു നായിഡുവിനെ അധികാരത്തില്‍ നിന്ന് പുറത്താക്കാന്‍ ജനങ്ങള്‍ തയാറാകണമെന്ന് വൈ.എസ്.ആര്‍ കോണ്‍ഗ്രസ് നേതാവ് ജഗ്്‌മോഹന്‍ റെഡ്ഡി. ഏറ്റവും കൂടുതല്‍ അവഗണന തുടരുന്നത് കാര്‍ഷിക മേഖലയിലാണ്. വിളനാശവും ഉല്‍പ്പന്നങ്ങള്‍ക്ക് വിലയിടിവും കാരണം നിരവധി കര്‍ഷകരാണ് സംസ്ഥാനത്ത് ആത്മഹത്യ ചെയ്യുന്നത്. ഇവരെ രക്ഷിക്കാനുള്ള മാര്‍ഗങ്ങളൊന്നും തന്നെ സര്‍ക്കാരിന്റെ ഭാഗത്തുനിന്ന് ഉണ്ടാകുന്നില്ലെന്നും ജഗ്്‌മോഹന്‍ ആരോപിച്ചു.