ശ്രീനഗര്‍: സംസ്ഥാനത്ത് തണുപ്പ് രൂക്ഷമായി തുടരുന്നു. ജമ്മു നഗരത്തില്‍ അന്തരീക്ഷോഷ്മാവ് 4.1 ഡിഗ്രി സെല്‍ഷ്യസ് ആണ്. കാര്‍ഗിലില്‍ ഇത് മൈനസ് 16 ആണ്. സംസ്ഥാനത്ത് ഏറ്റവും കൂടുതല്‍ തണുപ്പ് ലഡാക്ക് മേഖലയിലെ കാര്‍ഗിലിലാണ് രേഖപ്പെടുത്തിയതെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ലേയില്‍ മൈനസ് 11.9 സെല്‍ഷ്യസ് ആണ് തണുപ്പ്. അതിനിടയില്‍ ഇന്ന് മുതല്‍ സംസ്ഥാനത്ത് മഴക്കും സാധ്യതയുണ്ടെന്നാണ് കണക്കാക്കുന്നത്. മഞ്ഞു വീഴ്ചയ്ക്ക് സാധ്യതയില്ലെന്നാണ് കാലാവസ്ഥാ നിരീക്ഷണ കേന്ദ്രം പറയുന്നത്.