കൊല്ലം: കയര്‍ മേഖലയില്‍ വിവിധ രംഗങ്ങളില്‍ പ്രാഗത്ഭ്യം തെളിയിച്ചവരെ ആദരിക്കുന്നതിന് കയര്‍ വികസന വകുപ്പ് സംസ്ഥാനതലത്തിലും പ്രോജക്ട് തലത്തിലും എര്‍പ്പെടുത്തിയ 201516 വര്‍ഷത്തെ കയര്‍ അവാര്‍ഡിന് അപേക്ഷിക്കാം. സഹകരണ സംഘങ്ങള്‍, കയറ്റുമതിക്കാര്‍, ചെറുകിട ഉത്പാദകര്‍, ദീര്‍ഘകാല അനുഭവസമ്പത്ത്, സംഭാവനകള്‍, നല്ല ഡിസൈന്‍, ഗവവേഷണ കണ്ടെത്തല്‍ എന്നീ വിഭാഗങ്ങളില്‍ അവാര്‍ഡ് നല്‍കും.
കയര്‍ മേഖലയിലെ ദീര്‍ഘകാല അനുഭവ സമ്പത്തും സമഗ്ര സംഭാവനകളും അടിസ്ഥാനമാക്കി വ്യക്തികള്‍ക്ക് നല്‍കുന്ന അവാര്‍ഡിനുള്ള അപേക്ഷകള്‍ ബന്ധപ്പെട്ട സംഘടനകളുടെ നാമനിര്‍ദേശം വഴിയാണ് നല്‍കേണ്ടത്. വിശദ വിവരങ്ങള്‍ കയര്‍ പ്രോജക്ട് ഓഫീസിലും കയര്‍ വികസന ഡയറക്‌ട്രേറ്റിലും ലഭിക്കും. അപേക്ഷകള്‍ ജൂണ്‍ 30 നകം ബന്ധപ്പെട്ട പ്രോജക്ട് ഓഫീസുകളില്‍ നല്‍കണം. വിശദ വിവരങ്ങളും അപേക്ഷാ ഫോറവും ംംം.രീശൃ.സലൃമഹമ.ഴീ്.ശി എന്ന സൈറ്റില്‍ ലഭിക്കും.
'മെച്ചപ്പെട്ട
വിദ്യാഭ്യാസ പദ്ധതി'
കൊല്ലം: ജില്ലാ പഞ്ചായത്ത് നടപ്പിലാക്കുന്ന 'മെച്ചപ്പെട്ട വിദ്യാഭ്യാസ പദ്ധതി' പ്രകാരം തിരഞ്ഞെടുക്കപ്പെടുന്ന വിദ്യാര്‍ഥികള്‍ക്ക് അഞ്ചാം ക്ലാസ് മുതല്‍ പന്ത്രണ്ടാം ക്ലാസ്  വരെ റസിഡന്‍ഷ്യല്‍ സൗകര്യത്തോടെ വിദ്യാഭ്യാസം നല്‍കുവാന്‍ കഴിയുന്ന ജില്ലയിലെ ഇംഗ്ലീഷ് മീഡിയം റസിഡന്‍ഷ്യല്‍ സ്‌കൂളുകള്‍ക്ക് അപേക്ഷിക്കാം. വിദ്യാര്‍ഥികളുടെ താമസം, ഭക്ഷണം, വിദ്യാഭ്യാസ ചെലവുകള്‍ എന്നിവക്ക് വേണ്ടിവരുന്ന തുക മറ്റു കുട്ടികളില്‍ നിന്നും ഈടാക്കുന്ന നിരക്കില്‍ ജില്ലാ പഞ്ചായത്ത് വഹിക്കും. അപേക്ഷ ജൂണ്‍ രണ്ടിനകം ജില്ലാ പട്ടികജാതി വികസന ഓഫീസില്‍ നല്‍കണം. വിശദ വിവരങ്ങള്‍ 04742794996, 8547630022 എന്നീ നമ്പരുകളില്‍ ലഭിക്കും.