ആലപ്പുഴ: സ്വകാര്യബസില്‍ യാത്ര ചെയ്ത വീട്ടമ്മ ബസില്‍നിന്ന് തെറിച്ചു റോഡില്‍വീണ് ഗുരുതരപരുക്കേറ്റു. തൃക്കൊടിത്താനം വെണ്ണാലില്‍ മേഴ്‌സി ദേവസ്യാ(54)യ്ക്കാണ് പരുക്കേറ്റത്.
ഇവര്‍ കാളാത്ത് ജംഗ്ഷനില്‍ നിന്നും ആലപ്പുഴയിലേക്ക് ബസില്‍ വരുന്നതിനിടയിലാണ് ബസ് ബ്രേക്ക് ഇട്ടപ്പോള്‍ പുറത്തേക്ക് തെറിച്ച് വീണത്. ആലപ്പുഴ-മണ്ണഞ്ചേരി റൂട്ടില്‍ സര്‍വീസ് നടത്തന്ന ഫാത്തിമ ബസിലായിരുന്നു അപകടം. മുഖത്തിനും തുടയെല്ലിനും കണ്ണിനും ആണ് കൂടുതല്‍ പരുക്ക്. ഉടന്‍തന്നെ മകന്‍ ഷെറിനും ബസിലെ ജീവനക്കാരും ചേര്‍ന്ന് ജില്ലാ ആശുപത്രിയിലെത്തിച്ചശേഷം ആലപ്പുഴ മെഡിക്കല്‍ കോളജ് ആശുപത്രിയിലേക്കു മാറ്റുകയായിരുന്നു. എന്നാല്‍ അടിയന്തിരമായി ഓപ്പറേഷന്‍ ചെയ്യേണ്ടതായിരുന്നിട്ടും ഉപകരണങ്ങളുടെ അഭാവം പറഞ്ഞ് മെഡിക്കല്‍ കോളജില്‍ ഓപ്പറേഷന്‍ നടത്തിയില്ലെന്നും പരാതി ഉണ്ട്.