ന്യൂഡല്‍ഹി: നൊബേല്‍ ജേതാവും സാമൂഹ്യപ്രവര്‍ത്തകനുമായ കൈലാഷ് സത്യാര്‍ഥിയുടെ വീട്ടില്‍ മോഷണം നടത്തിയ സംഭവത്തില്‍ മൂന്നു പേരെ പൊലിസ് അറസ്റ്റ്  ചെയ്തു. മോഷണം പോയ നൊബേല്‍ പുരസ്‌കാരത്തിന്റെ പകര്‍പ്പും മറ്റു വിലപിടിപ്പുള്ള വസ്തുക്കളും കണ്ടെത്തിയതായി പൊലിസ് വ്യക്തമാക്കി.
മോഷ്ടാക്കളെ കുറിച്ച് സൂചന ലഭിച്ചതായി കഴിഞ്ഞ ദിവസം പൊലിസ് പറഞ്ഞിരുന്നു. കഴിഞ്ഞ ആഴ്ച്ചയാണ് സത്യാര്‍ഥിയുടെ വീട്ടില്‍ മോഷണം നടന്നത്.
മകളുടെ വിവാഹത്തിനുള്ള ആഭരണങ്ങളും നൊബേല്‍ സമ്മാനത്തിന്റെ പകര്‍പ്പുമാണ് നഷ്ടമായത്. സംഭവത്തെ ദൗര്‍ഭാഗ്യകരമെന്ന് വിശേഷിപ്പിച്ച സത്യാര്‍ഥി ബാലപീഡനത്തിനെതിരേ തുടര്‍ന്നും പോരാടുമെന്ന് വ്യക്തമാക്കി.