ന്യൂഡല്‍ഹി: ഡല്‍ഹി കരാവല്‍ നഗര്‍ സ്‌കൂളിലെ ഒന്‍പതാം ക്ലാസുകാരന്റെ ദുരൂഹ മരണവുമായി ബന്ധപ്പെട്ട് മൂന്നു വിദ്യാര്‍ഥികളെ പൊലിസ് കസ്റ്റഡിയില്‍ എടുത്തു. 16 കാരനായ തുഷാര്‍ എന്ന വിദ്യര്‍ഥിയെ വ്യാഴാഴ്ചയാണ് ശുചിമുറിയില്‍ ബോധം പോയ നിലയില്‍ കണ്ടെത്തിയത്. തുടര്‍ന്ന് ആശുപത്രിയില്‍ എത്തിച്ചെങ്കിലും വെള്ളിയാഴ്ച മരിച്ചു.

ശുചിമുറിക്കു സമീപം ചില വിദ്യാര്‍ഥികളുമായി തുഷാര്‍ അടിപിടിയില്‍ ഏര്‍പ്പെട്ടിരുന്നതായി സി.സി.ടി.വി ദൃശ്യങ്ങള്‍ ലഭിച്ചുവെന്ന് പൊലിസ് പറഞ്ഞു. അതേസമയം, സംഭവം കൊലപാതകമാണെന്ന് ആരോപിച്ച് തുഷാറിന്റെ ബന്ധുക്കള്‍ രംഗത്തെത്തി. ബന്ധുക്കളുടെ പരാതി പ്രകാരം പൊലിസ് കേസെടുക്കുകയും മൂന്നു വിദ്യാര്‍ഥികളെ പിടികൂടുകയും ചെയ്തിട്ടുണ്ട്.