യുനൈറ്റഡ് നാഷന്‍സ്: ഇന്ത്യയിലും പാകിസ്താനിലും നടക്കുന്ന ലൈംഗിക അതിക്രമങ്ങളില്‍ ആശങ്ക രേഖപ്പെടുത്തി യു.എന്‍. ഇരുരാജ്യത്തും കുട്ടികള്‍ക്കെതിരേ നടക്കുന്ന അതിക്രമങ്ങള്‍ ഹൃദയഭേദകമാണെന്ന് യു.എന്‍ സെക്രട്ടറി ജനറലിന്റെ വക്താവ് സ്റ്റീഫന്‍ ദുജാറിക് പറഞ്ഞു.ഇത്തരം വിഷയങ്ങള്‍ ഇല്ലാതാക്കാന്‍ വിദ്യാഭ്യാസ പ്രചാരണവും സ്ത്രീ ശാക്തീകരണവും ആവശ്യമാണെന്ന് ദുജാറിക് പറഞ്ഞു. അടുത്തിടെയായി ഇന്ത്യയിലും പാകിസ്താനിലും കോളിളക്കം സൃഷ്ടിച്ച കുട്ടികള്‍ക്കെതിരായ പീഡനങ്ങള്‍ സംബന്ധിച്ചുള്ള ചോദ്യങ്ങള്‍ക്കു മറുപടി പറയുകയായിരുന്നു അദ്ദേഹം.