മലപ്പുറംതിരുന്നാവായ: മാമാങ്ക മഹോത്സവത്തിന്റെ രണ്ടാം ദിനമായ ഇന്നലെ അങ്കവാള്‍ പ്രയാണം നടത്തി. അങ്ങാടിപ്പുറം തിരുമാന്ധാംകുന്ന് ചാവേര്‍തറയില്‍ നടന്ന ചടങ്ങില്‍ ടി.എ അഹമ്മദ് കബീര്‍ എം.എല്‍.എ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ഒ. കേശവന്‍ അധ്യക്ഷനായി.
അങ്കവാള്‍ വള്ളുവനാട് രാജാവിന്റെ പ്രതിനിധി വേണുഗോപാലരാജ ഡി.ടി.പി.സി സെക്രട്ടറികെ.എ സുന്ദരന് കൈമാറി. ജില്ലാപഞ്ചായത്തംഗം അഡ്വ ടി.കെ റഷീദലി, ബ്ലോക്ക് പഞ്ചായത്തംഗം മായാ ദേവി, ഗ്രാമപഞ്ചായത്തംഗം രവി, വി.പി അനില്‍കുമാര്‍, അഡ്വ. കെ. മോഹന്‍ദാസ്, വെള്ളാട്ട് മോഹന്‍, കെ.വി തെയ്യന്‍, ചാവേറുകളുടെ പിന്‍ഗാമി ബി.എ പത്മനാഭ പണിക്കര്‍, എം.കെ സതീഷ് ബാബു, തിരുമാന്ധാംകുന്ന് ദേവസ്വം മാനേജര്‍ സി. സുരേന്ദ്രകുറുപ്പ് സംസാരിച്ചു. മലപ്പുറത്തു സ്വീകരണയോഗം പ്രസ്‌ക്ലബ് പ്രസിഡന്റ് ആര്‍. സാംബന്‍ ഉദ്ഘാടനം ചെയ്തു. പാലോളി കുഞ്ഞിമുഹമ്മദ് അധ്യക്ഷനായി. വിവിധ കേന്ദ്രങ്ങളിലെ സ്വീകരണത്തിനുശേഷം അങ്കവാള്‍ പ്രയാണം കൊടക്കല്‍ നിലപാടുതറയില്‍ സമാപിച്ചു. ഫൈസല്‍ എടശ്ശേരി, ആനി ഗോഡ്‌ലിഫ്, വി.എ അനില്‍കുമാര്‍ സംസാരിച്ചു.