ചിറ്റഗോങ്: ശ്രീലങ്കക്കെതിരായ ഒന്നാം ക്രിക്കറ്റ് ടെസ്റ്റില്‍ ബംഗ്ലാദേശ് പരുങ്ങുന്നു. ആദ്യ ഇന്നിങ്‌സില്‍ 513 റണ്‍സെടുത്ത ബംഗ്ലാദേശിനെതിരേ ശ്രീലങ്ക ഒന്‍പത് വിക്കറ്റിന് 713 റണ്‍സെടുത്ത് ഡിക്ലയര്‍ ചെയ്ത് ലീഡ് സ്വന്തമാക്കിയിരുന്നു. രണ്ടാം ഇന്നിങ്‌സ് തുടങ്ങിയ ബംഗ്ലാദേശ് നാലാം ദിനം കളി നിര്‍ത്തുമ്പോള്‍ മൂന്നിന് 81 റണ്‍സെന്ന നിലയില്‍. ലങ്കയുടെ ലീഡ് മറികടക്കാന്‍ ഏഴ് വിക്കറ്റുകള്‍ ശേഷിക്കേ ബംഗ്ലാദേശിന് 119 റണ്‍സ് കൂടി വേണം. അവസാന ദിനമായ ഇന്ന് ബംഗ്ലാദേശിനെ ക്ഷണത്തില്‍ പുറത്താക്കിയാല്‍ ലങ്കയ്ക്ക് വിജയം സ്വന്തമാക്കാം.