കോഴിക്കോട്: കെ.എന്‍.എമ്മിന്റെ യുവജന വിഭാഗമായി 1967ല്‍ രൂപീകരിച്ച ഐ.എസ്.എമ്മിന് അന്‍പത് വര്‍ഷം പൂര്‍ത്തിയായ സാഹചര്യത്തില്‍ ഒരു വര്‍ഷം നീളുന്ന ഗോള്‍ഡന്‍ ജൂബിലി പരിപാടികള്‍ക്ക് ഐ.എസ്.എം മദനി വിഭാഗം സംസ്ഥാന പ്രതിനിധി സമ്മേളനം രൂപം നല്‍കി.
കെ.എന്‍.എം. സംസ്ഥാന പ്രസിഡന്റ ് ടി.പി. അബ്ദുല്ലക്കോയ മദനി ഉദ്ഘാടനം ചെയ്തു. ഡോ. എ.ഐ. അബ്ദുല്‍ മജീദ് സ്വലാഹി അധ്യക്ഷനായി.
ഗോള്‍ഡന്‍ ജൂബിലി യൂത്ത്മീറ്റ് എബ്ലം കെ.എന്‍.എം വൈസ് പ്രസിഡന്റ് ഡോ. ഹുസൈന്‍ മടവൂര്‍ പ്രകാശനം ചെയ്തു. ഐ.എസ്.എം മര്‍കസുദ്ദഅ്‌വ വിഭാഗത്തിന് കീഴിലും ജൂബിലി പ്രവര്‍ത്തനങ്ങള്‍ വേറെ നടക്കുന്നുണ്ട്.