അരൂര്‍: വില്‍പ്പനയ്ക്കായി കൊണ്ടുവന്ന ഒരൂ കിലോ കഞ്ചാവുമായി രണ്ട് വിദ്യാര്‍ത്ഥികള്‍ പിടിയില്‍.
പത്തനംതിട്ട കുടമുരട്ടി പോസ്റ്റില്‍ ഓലക്കല്‍ പീയൂഷ് (20), സുഹ്യത്ത് പത്തനംതിട്ട കക്കൂടമണ്‍ പോസ്റ്റില്‍ വടക്കേമണ്ണില്‍ ജെയ്‌സണ്‍ പി. ജോര്‍ജ്ജ്(19) എന്നിവരാണ് കുത്തിയതോട് പോലീസിന്റെ പിടിയിലായത്. പോലീസിന് കിട്ടിയ രഹസ്യവിവരം അനുസരിച്ച് നടത്തിയ പരിശോധനയിലാണ് തുറവൂര്‍ റെയില്‍വേ സ്റ്റേഷന്‍ ഭാഗത്ത് വില്‍പ്പനയ്ക്കായി കൊണ്ടുവന്ന കഞ്ചാവ് പിടിച്ചെടുത്തത്.
പീയൂഷ് ഈറോഡ് നാമക്കലില്‍ രണ്ടാംവര്‍ഷ എന്‍ജിനിയറിംഗ് വിദ്യാര്‍ത്ഥിയാണ്. തിങ്കളാഴ്ച ഉച്ചയോടെയാണ് ഇവര്‍ പിടിയിലായത്. ജേയ്‌സണ്‍ റാന്നിയില്‍ ബികോം വിദ്യാര്‍ത്ഥിയാണ്.
കുറച്ചു നാളുകളായി തുറവൂരിലും പരിസരപ്രദേശങ്ങളിലും മയക്കുമരുന്ന് വില്‍പനയും ഉപയോഗവും വര്‍ധിച്ചുവരുന്നതായി കിട്ടിയ വിവരം അനുസരിച്ച് ജില്ലാപോലീസ് മേധാവിയുടെ നിര്‍ദ്ദേശപ്രകാരം കുത്തിയതോട് എസ്.ഐ. എ.എല്‍. അഭിലാഷിന്റെയും സി.ഐ കെ.ആര്‍ മനോജിന്റെയും നേതൃത്വത്തിലുള്ള സംഘം നടത്തിയ തെരച്ചിലില്‍ ഇവരെ പിടികൂടിയത്.
ആഡംബര ജിവിതത്തിനായി ഇവര്‍ വര്‍ഷങ്ങളായി കഞ്ചാവ് വില്‍പ്പന നടത്തുന്നതായി പോലീസിനോട് പറഞ്ഞു. സേവ്യര്‍ കെ.ജെ, ടോണി വര്‍ഗീസ്, വി.എച്ച് നിസാര്‍, പി.ബി.അനൂപ് എന്നിവരാണ് പോലീസിലുണ്ടായിരുന്ന മറ്റു സഘാംഗങ്ങള്‍.