മേപ്പാടി: ഈമാസം 17,18, 19 തിയതികളില്‍ മീനങ്ങാടി ഹുദൈബിയയില്‍ ന                                                                                                                                                ടക്കുന്ന എസ്.കെ.എസ്.എസ്.എഫ് ജില്ലാ സമ്മേളനം മദീനാ                                                                                                                                        പാഷന്റെ പ്രചാരണാര്‍ഥം സംഘടിപ്പിക്കുന്ന സന്ദേശ യാത്ര ഇന്ന് സമാപിക്കും. സമാപന ദിവസമായ ഇന്ന് രാവിലെ ചുണ്ടയില്‍ സലീം മേമന ഉദ്ഘാടനം ചെയ്യും.
ശംസുദ്ധീന്‍ റഹ്മാനി പ്രഭാഷണം നടത്തും. തുടര്‍ന്ന് വൈത്തിരി, പൊഴുതന, ആറാം മൈല്‍, പിണങ്ങോട് എന്നിവിടങ്ങളില്‍ പര്യടനം നടത്തി കല്‍പ്പറ്റയില്‍ സമാപിക്കും. സമാപന സമ്മേളനത്തില്‍  എസ്.കെ.എസ്.എസ്.എഫ് സംസ്ഥാന സെക്രട്ടറി മമ്മൂട്ടി മാസ്റ്റര്‍ മുഖ്യപ്രഭാഷണം നടത്തും.
സന്ദേശയാത്രയുടെ നാലാം ദിവസമായ ഇന്നലെ പുല്‍പ്പള്ളി, നായ്ക്കട്ടി, സുല്‍ത്താന്‍ ബത്തേരി, ചുള്ളിയോട്, അമ്പലവയല്‍, വടുവഞ്ചാല്‍, പുതുക്കാട്, ചൂരല്‍മല, മേപ്പാടി എന്നിവിടങ്ങളില്‍ പര്യടനം നടത്തി. രാവിലെ പുല്‍പ്പള്ളിയില്‍ നടന്ന ഉദ്ഘാടന സംഗമത്തില്‍ സിദ്ധീഖ് മഖ്ദൂമി അധ്യക്ഷനായി.
ആസിഫ് വാഫി പ്രമേയപ്രഭാഷണം നടത്തി. മേപ്പാടിയില്‍ നടന്ന സമാപനം ടി ഹംസ ഉദ്ഘാടനം ചെയ്തു. മുജീബ് ഫൈസി കമ്പളക്കാട് പ്രമേയ പ്രഭാഷണം നടത്തി.
അബൂബക്കര്‍ റഹ്മാനി, അലി യമാനി, സാജിദ് മൗലവി, മുഹ്‌യുദ്ദീന്‍ കുട്ടി യമാനി, നൗഫല്‍ വാകേരി, സലാം ഫൈസി, നൗഷാദ് മൗലവി, മഷ്ഹൂദ് മൗലവി, മൊയ്തു മലബാരി, ഫഹീം തരുവണ, ആസിഫ് വാഫി, അബ്ദുല്ലത്വീഫ് വാഫി, ഫാഇസ് അമ്പലവയല്‍, റാസിഖ് അമ്പലവയല്‍, മുഹമ്മദലി കരടിപ്പാറ എന്നിവര്‍ വിവിധ കേന്ദ്രങ്ങളില്‍ സംസാരിച്ചു. വെങ്ങപ്പള്ളി അക്കാദമി, ദാറുല്‍ ഉലും ബത്തേരി എന്നീ സ്ഥാപനങ്ങളിലെ വിദ്യാര്‍ഥികള്‍ കലാജാഥക്ക് നേതൃത്വം നല്‍കി. സ്വീകരണത്തിന് ജാഥാ ക്യാപ്റ്റന്‍ ശൗഖത്തലി വെള്ളമുണ്ട നന്ദി പറഞ്ഞു.