എടവണ്ണപ്പാറ: ചീക്കോട് റെയിഞ്ച് മാനേജ്‌മെന്റ് അസോസിയേഷനു കീഴില്‍ സംഘടിപ്പിച്ച കോയക്കുട്ടി ഉസ്താദ് അനുസ്മരണവും റെയിഞ്ചില്‍ സേവനം  ചെയ്യുന്ന ഉസ്താദുമാര്‍ക്കുള്ള റമദാന്‍ കിറ്റ് വിതരണവും  സമസ്ത ട്രഷറര്‍ സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ഉദ്ഘാടനം ചെയ്തു. ജംഈയത്തുല്‍ മുഅല്ലിമീന്‍ നടത്തിയ ടെസ്റ്റ് ഓ ടെക്സ്റ്റ് പരീക്ഷയില്‍ റെയിഞ്ചില്‍ നിന്നും ഉന്നത മാര്‍ക്ക് നേടിയ കരീം വാഫി, മുഹുയുദ്ധീന്‍ സഖാഫി, അബ്ദുള്ള ദാരിമി എന്നിവര്‍ക്കുള്ള സമ്മാനവും തങ്ങള്‍ കൈമാറി. മമ്മു ദാരിമി അധ്യക്ഷനായി. മദ്‌റസ പഠനത്തോടൊപ്പം എസ്.എസ്.എല്‍.സി പരീക്ഷയില്‍ എല്ലാ വിഷയങ്ങള്‍ക്കും എ പ്ലസ് നേടിയ വിദ്യാര്‍ഥികള്‍ക്കുള്ള ഉപഹാരം പി.എ ജബ്ബാര്‍ ഹാജി നല്‍കി . കക്കോവ് മഹല്ലിലെ ജുമുഅ നിസ്‌കാരം മുടക്കിയ കാന്തപുരം വിഭാഗത്തിന്റെ പ്രവര്‍ത്തനം നീതീകരിക്കനാവില്ലെന്ന് യോഗം അഭിപ്രായപ്പെട്ടു.  കെ.എസ് ഇബ്‌റാഹീം മുസ്‌ലിയാര്‍ , സയ്യിദ് ബി.എസ്.കെ തങ്ങള്‍ , ചീക്കോട് പഞ്ചായത്ത് പ്രസിഡണ്ട് കെ.പി സഈദ്, കബീര്‍ മുസ്‌ലിയാര്‍, ഗഫൂര്‍ ഹാജി, ചെറിയപ്പു ഹാജി, അഷ്‌റഫ് മാസ്റ്റര്‍, ശുക്കൂര്‍ വെട്ടത്തൂര്‍ എന്നിവര്‍ സംസാരിച്ചു