ഗുവാഹത്തി: ബജറ്റ് സമ്മേളന ദിവസമായ ഇന്നലെ സര്‍ക്കാരിന്റെ ചായ സല്‍ക്കാരത്തില്‍ നിന്ന് പ്രതിപക്ഷം വിട്ടുനിന്നു.
നിയമസഭയെ കാവിവല്‍ക്കരിച്ചുവെന്നാരോപിച്ചാണ് മുഖ്യപ്രതിപക്ഷമായ കോണ്‍ഗ്രസിന്റെ നേതൃത്വത്തില്‍ പ്രതിപക്ഷം ചായസല്‍ക്കാരം ബഹിഷ്‌കരിച്ചത്. ഗവര്‍ണര്‍ക്കൊപ്പമുള്ള ഫോട്ടോ സെഷനും പ്രതിപക്ഷം ബഹിഷ്‌കരിച്ചു.
നിയമസഭക്കകത്തും പുറത്തും ബി.ജെ.പിയുടെ കൊടി ഉയര്‍ത്തിയതാണ് പ്രതിപക്ഷത്തെ ചൊടിപ്പിച്ചത്. സംഭവം മാധ്യമങ്ങളില്‍ വാര്‍ത്തയായതിനെ തുടര്‍ന്നാണ് എടുത്തുമാറ്റിയത്.