ബേഡ്‌സ്‌വില്ലെ: ആസ്‌ത്രേലിയ 70 വര്‍ഷത്തിനിടെ രേഖപ്പെടുത്തിയ കടുത്തചൂടില്‍. വെയിലറ്റ് ഓംലെറ്റ് വേവിക്കാനുള്ള ചൂടാനാണ് കഴിഞ്ഞദിവസമുണ്ടായത്. ഒരു പൊലിസുകാരന്‍ വെയിലിന്റെ ചൂടില്‍ ഓംലെറ്റ് ഉണ്ടാക്കുന്ന വിഡിയോ സാമൂഹിക മാധ്യമങ്ങളിലൂടെ വൈറലായി.
വടക്കു കിഴക്കന്‍ പ്രവിശ്യയായ ക്വീന്‍സ്‌ലാന്‍ഡിലെ ഒരു പൊലിസ് ഓഫിസറാണ്, ചൂടിന്റെ കാഠിന്യം വെളിപ്പെടുത്താന്‍ ജീപ്പിന്റെ ബോണറ്റില്‍വച്ച് ഓംലെറ്റ് തയാറാക്കിയത്. കഴിഞ്ഞ ഞായറാഴ്ച 47.1 ഡിഗ്രി സെല്‍ഷ്യസായിരുന്നു ക്വീന്‍സ്‌ലാന്‍ഡില്‍ അനുഭവപ്പെട്ട ഉയര്‍ന്ന താപനില.
ആസ്‌ത്രേലിയന്‍ വന്‍കരയിലേക്ക് വീശിയടിച്ച ഉഷ്ണതരംഗമാണ് കൊടുംചൂടിന് കാരണം.
അടുത്തയാഴ്ചവരെ ചൂട് തുടരുമെന്നാണ് കാലാവസ്ഥാ പ്രവചനം.